ಕೊಂಕಣ್ ಕೊಗುಳ್

*****************************************************************
(ಉತ್ರಾಂಚೊ ರಾಯ್, ಕೊಂಕ್ಣಿ ಭಾಶೆಚೊ ಶಿಲ್ಪಿ ಕೊಂಕಣ್ ಕೊಗುಳ್ ದೆ! ವಿಲ್ಫಿ ರೆಬಿಂಬಸ್ ಹ್ಯಾ ಸಂಸಾರಿ ಅದೇವ್ಸ್ ಮಾಗೊನ್ ಏಕ್ ವರಸ್ ಜಾಲ್ಲ್ಯಾ ಸಂದರ್ಭಿ 2011 ಮಾರ್ಚ್ 1 ಥಾಂವ್ನ್ 10 ತಾರಿಕೆ ಮ್ಹುಣ್ಸಾರ್ ಕೊಂಕ್ಣಿ ಮೊಗಾನ್ ಮಾನಾನ್ ಧಾ ದೀಸ್ ಬೆಟಯ್ಲ್ಯಾ ಶ್ರದ್ದಂಜಾಲಿಚಿ ವಿಂಚ್ಲೆಲಿ ಲೇಖನಾ ಅನಿಂ ಕವನಾ ತಶೆಂಚ್ ಪಿಂತುರಾ ಹಾಂಗಾಸಾರ್ ಪಾಯ್ಸ್ ಕೆಲ್ಯಾಂತ್)

********************************************

ಹಾಂವ್ ಲ್ಹಾನ್ ಅಸ್ತಾನಾ ಮಂಗಳೂರು ಆಕಾಶವಾಣಿಂತ್ ಕನ್ನಡ ಕೋರಿಕೆ ಕಾರ್ಯಕ್ರಮ್ ಅಯ್ಕಾತಾಲೊ, ಜಾಲ್ಯಾರಿ ತಿಂ ಪದಾಂ ಮೊಜ್ಯಾ ಜಿಬೆರ್ ಹ್ಯಾ ಕಾಳ್ಜಾಂತ್ ಶಾಶ್ವಿತ್ ಉರ್ಲಿನಾಂತ್. ವಾಡ್ಯಾಂತ್ ಕಾಜಾರಾ ಅಸ್ತಾನಾ ಮೈಕಾಚೆ ವಾರ್ನ್ ರುಕಾಕ್ ಬಾಂದ್ತೆಲೆ ಅನಿಂ ತಾಂತುನ್ ಥಾಂವ್ನ್ ಚಡಾವತ್ ಜಾವ್ನ್ ಅಶಿಂ ಪದಾಂ ಅಯ್ಕಾತಾಲಿಂ.

ರವಿ ಬುಡೊನ್ ಗೆಲೊ, ಕವಿ ಜಾಗೊ ಜಾಲೊ, ಗುಮ್ಟಾ ನಾದಾಂ ತೆಕಿತ್ ಮೆಟ್ ಕಾಡುನ್ ನಾಚ್ ತುಂ, ಪಾಸ್ಕಾಚೊ ವೇಳ್ ಅಯ್ಲೊ, ನಾಚ್ ರೈತಾ ನಾಚ್, ಘೆವುನ್ ಹಾತ್,
ಪಾಸ್ಕಾಂಚಿ ರಾತ್ ಅಯ್ಲಿ ಪಾಸ್ಕಾಂಚಿ ರಾತ್.

ಹಿಂ ಪದಾಂ ಅಯ್ಕಾತಾನಾ ಎಕ್ ತರ್ ಕಾಜಾರಾಚ್ಯಾ ಮಾಟ್ವ ಸರ್ಶಿನ್ ವೊಡ್ನಿ ಯೆತಾಲಿ. ಹಾತಾಂತ್ ಅಸ್ಲೆ ಕಿತೆಂ ಕಾಮ್ ತರಿ ಥಂಯ್ಚ್ ಸೊಡುನ್ ಶೀದಾ ರೊಸಾಚ್ಯಾ ಮಾಟ್ವಾಕ್ ಗೆಲ್ಲೆ ಜಾಯ್ತೆ ದೀಸ್ ಮೊಜ್ಯಾ ಜಿವಿತಾಂತ್ ಉತ್ರೊನ್ ಗೆಲ್ಲೆ. ವಾಟೆರ್ ಯೆತಾನಾ ಸೆಜಾರಾ ಘರ್ಚಿ, ವಾಡ್ಯಾಚಿ ಪುರಾ ತಿಂಯ್ ಮೊಜೆಬರಿಂಚ್ ತಯಾರ್ ಕಾಜಾರಾಚ್ಯಾ ಮಾಟ್ವಾ ಚ್ಯಾ ವಾಟೆ ಖುಶಿನ್. ವಾಟ್ ಚಲೊನ್ ಮ್ಹುಖಾರ್ ಯೆತಾನಾ ಕೊಂಕ್ಣಿ ಪದಾಂ ಅನಿಕಿ ಚಡ್ ಮೊತಿಕ್ ದಾದೊಶಿ ದಿತಾಲಿಂ.

ಸೆಜಾರಾಚಾ ಘರಾ ಕಾಜಾರಾಚಿ ಚಲಿ, ಕಾಳ್ಜಾಕ್ ಮಾರ್ತಾ ಭಾಂಗಾರಾಚಿ ಭಾಲಿ,
ಸೊಸುಂಕ್ ತಡ್ವಾನಾರೆ, ಸೊಸುಂಕ್ ತಡ್ವಾನಾ, ಅಮೊರೆಚ್ಯಾ ವೆಳಾ ಗೆಟಿಲಾಗಿ ಯೆತಾ,
ಅಮಿಂ ಲಾಗಿ ಗೆಲ್ಯಾರ್ ಪೆಟೊ ದಾಂವೊನ್ ಯೆತಾ, ಗೇಟ್ ಅಮ್ಕಾಂ ಉಗ್ತಿ ನಾ-ರೆ, ಗೇಟ್ ಅಮ್ಕಾಂ ಉಗ್ತಿ ನಾ.

ಪಳಯಾ ಕಿತ್ಲೆ ಆಕರ್ಶಾನ್ ಹ್ಯಾ ಪದಾಂನಿ,ಏಕ್ ಪಾವ್ಟಿ ಅಯ್ಕಾಲ್ಲೊ ತಿಂ ವಿಸ್ರೊಂಕ್ ಸಕಾನಾತ್ಲೊ.ಅಶೆಂಚ್ ಜಾಲೆ ಮೊಜ್ಯಾ ಜಿವಿತಾಂತಿ.ಲ್ಹಾನ್ಪೊಣಾರ್ ಅಯ್ಕಾಲ್ಲಿ ಕೊಂಕ್ಣಿ ಪದಾಂ ಕಾಳ್ಜಾಕ್ ಮೊರ್ ಘಾಲ್ಲ್ಯಾ ಭಾಶೆನ್ ತಿ ಶಾಶ್ವಿತ್ ಉರ್ಲಿ. ಪದಾಂ ಅಯ್ಕೊಂವ್ಚಿ ಇತ್ಲಿ ಅತುರಾಯ್ ಅಸ್ಲ್ಯಾರಿ ಅಮ್ಚ್ಯಾ ಘರಾಂತ್ ಟೇಪ್-ರೆಕೊರ್ಡಾರ್ ತ್ಯಾ ಕಾಳಾರ್ ಪಾವೊಂಕ್ ನಾತ್ಲೊ. ರೆಡಿಯೊ ಮಾತ್ರ್ ಚಡಾವಾತ್ ಘರಾನಿ ಅಸ್ಲೊ. ಅನಿ ತೆಂಯ್ ಘರ್ಚ್ಯಾ ವೊಡಿಲಾನ್ ಮಾತ್ರ್ ಸಾಂಜೆರ್ ಯೆಂವ್ನ್ ವಯ್ರ್ ದವೊರ್ಲೊ ಸಕಯ್ಲ್ ಕಾಡ್ಚೊ ಅನಿ ಚಾಲು ಕರ್ನ್ ದವರ್ಚೊ ಕಾಲ್ ತೊ. ಅಮಿಂ ಪುರಾ ಪಯ್ಸ್ ರಾವೊನ್ ಅಯ್ಕೊಂಚೆ ಅಸ್ಲೆ......ಟೇಪ್ ರೆಕೊರ್ಡಾರ್ ಭೋವ್ ಉಣೆ ....!!!ಅಶೆ ಅಸ್ತಾ ಏಕ್ ದೀಸ್ ಉದೆಲೊ ಅನಿಂ ಅಮ್ಗೇರಿ ಪಾವ್ಲೊ ಟೇಪ್-ರೆಕೊರ್ಡಾರ್, ಅನಿ ತ್ಯಾ ಟೇಪ್ ರೆಕೊರ್ಡಾಚ್ಯಾ ಸಾಂಗಾತಾ ಏಕ್ ಕ್ಯಾಸೆಟ್ ಅಯ್ಲೊ ತಿ ಹಿಂದಿ, ಇಲ್ಲೆ ದೀಸ್ ಅಯ್ಕೊನ್ ಜಾತಾನಾ ಬೋರ್ ಜಾಲ್ಲಿ.....ಉಪ್ರಾಂತ್ ಜೆರೊಸಾ ಕಂಪೆನೆಕ್ ವೊಚೊನ್ ಏಕ್ ಕೊಂಕ್ಣಿ ಕೊವ್ಲಿ ಕಾಣ್ಗೆಲಿ ಅನಿಂ ತ್ಯಾ ಕೊವ್ಳೆಂತ್ಲೆ ಹಾಂವೆ ಅಯ್ಕಾಲ್ಲೆ ಪದ್ ಅಶೆ ಅಸ್ಲೆ.

ವಾರೆ ಭರ್ ಭರ್ ವಾಳ್ತಾನಾ,ತಿಂ ಪಾನಾಂ ತನ್ ತನ್ ದಲ್ತಾನಾ,ಧರ್ತೆಚೆಂ ಗಾನಾಂ ಅಯ್ಕಾಲಿ ಕಾನಾಂಕ್,
ಮೊನ್ಶ್ಯಾ ಮೊನಾಂತ್ ಯೆಂವ್ಚಿ ಚಿಂತ್ನಾಂ,ಭೊಗ್ಚಿ ಭೊಗ್ಣಾ ಭಾವಾನಾಂ,ಜಾಲಿಂ ಗಾಯಾನಾ ಸ್ವರಾಂನಿ ಗುಂತಾನಾ,
ಹೆಂಚ್ ಮೊನ್ಶ್ಯಾ ಸಂಗೀತ್, ಹೆಂಚ್ ಮೊನ್ಶ್ಯಾ ಸಂಗೀತ್,ದುಸ್ರೆ ಸಂಗೀತ್ ನಾ, ದುಸ್ರೆ ಸಂಗೀತ್ ನಾ.

ಹಿ ಕೊವ್ಲಿ ಹಾಂವೆ ಕಿತ್ಲೆ ಪಾವ್ಟಿ ಅಯ್ಕಾಲ್ಯಾ ತೆ ಮ್ಹಕಾ ಕಳಿತ್ ನಾ ಪೂಣ್ ಕಿತ್ಲೆ ಪಾವ್ಟಿ ಅಯ್ಕಾತಾ ತಿತ್ಲ್ಯಾ ಚಡ್ ಮಾಪಾನ್ ಹ್ಯಾ ಉತ್ರಾಂಚೆರ್ ಮೊಜೆ ಆಕಾರ್ಶಾನ್ ವೊಡ್ತಾಲೆ. ತಾಚ್ಯಾ ಉಪ್ರಾಂತ್ ಹಿ ಪದಾಂ ಕೊಣಾಚಿ, ಹಾಚೊ ಘಡ್ಣಾರ್ ಕೋಣ್ ಕಿತ್ಯಾಕ್ ಇತ್ಲಿ ಹಿ ಪದಾಂ ಮ್ಹಕಾ ರುಚ್ತಾತ್ ಮ್ಹುಣೊನ್ ಮೊಜೆ ಮೊತಿ ಭಿತೆರ್ ಚ್ ಜಾಯ್ತಿ ಸವಾಲಾ ಯೇವ್ನ್ ಗೆಲಿ. ಅನಿಂ ಸಬಾರ್ ಪಾವ್ಟಿ ಹಾಂವೆ ದುಸ್ರ್ಯಾ ಕಡೆನ್ ಉಚಾರುನ್ ಸಾಂಗ್ಲಾ ಸಯ್ತ್ ಅನಿಂ ತಾಂಚೆ ಥಾಂವ್ನ್ ಅಯ್ಲಿ ತಿ ಜಾಪ್ ಮ್ಹಕಾ ಅನಿಕೀ ಹಿ ಪದಾಂ ಅಯ್ಕೊಂವ್ಕ್ ಕಾರಾಣ್ ಜಾಲಿ. ಉಪ್ರಾಂತ್ ಮುಕ್ಲ್ಯಾ ಕೊವ್ಲೆಕ್ ವಾಟ್ ಪಳೊವ್ನ್ ಬಸ್ಚಿ ಮ್ಹಜಿ ಸವಾಯ್ ಜಾಲಿ. ನವ್ಯಾ ಕೊವ್ಲೆಂಚಿ ವಾಟ್ ಪಳಂವ್ಚಿ ದಿಶಾ ಎಕಾ ಖುಶಿ ತರ್, ಪರ್ನ್ಯಾ ಕೊವ್ಲೆಂತ್ಳಿ ಪದಾಂಚಿ ರೂಚ್ ಸಾಕ್ಚಿ ಅಶಾ ತಿ ಪಿಸಾಯ್ ಜಾವ್ನ್ ಗೆಲ್ಲಿ. ಪರ್ನ್ಯಾ ಕೊವ್ಲ್ಯಾ ಪಯ್ಕಿ ಹಿಂ ಪದಾ ಮೊಸ್ತು ಪಸಂದೆಚಿ,

ಮ್ಹಜೊ ತಾಳೊ ಗಾಯ್ತಾಲೊ ತುಜಿ ಹೊಗ್ಳಿಕ್ ಸಾಂಗ್ತಾಲೊ
ತುಜೊ ಉಪ್ಕಾರ್ ಹಾಂವ್ ಅಟಾಯ್ತಾಲೊಂ,ಋಣ್ ತುಜೆಂ ಪಾವಯ್ತೊಲೊಂ.
ಮೊರಾಸರ್ ಹಾಂವ್ ತುಕಾ ಋಣಿಂಮ್ಹಜಿ ಮಾಂಯ್ ಭಾಸ್ ಕೊಂಕಣಿ

ಅಶೆಂ ಗಾಯಾನ್ ಅಯ್ಕಾತಾನಾ ಹ್ಯಾ ಸರ್ವ್ ಪದಾಂಚೊ ಘಡ್ನಾರ್ ದೆವಾಧಿನ್ ವಿಲ್ಪಿ ರೆಬಿಂಬಸಾಕ್ ಕೊಂಕ್ಣಿ ಭಾಶೆಚೆರ್ ಅಸ್ಚೊ ಹುಸ್ಕೊ ಅಭಿಮಾನ್ ಅನಿಂ ಮೋಗ್ ಅಮಾಂ ಸರ್ವಾಂಕ್ ಕಳಿತ್ ಜಾತಾ. ಅಪ್ಲ್ಯಾ ಚೊವ್ದಾ ವರ್ಸಾಂಚಾ ಪ್ರಾಯೆ ಥಾಂವುನ್ ಸಾಟ್ ಅನಿ ಸಾತ್ ಹ್ಯಾ ಪನ್ನಾಸ್ ವರ್ಸಾಂಚ್ಯಾಕೀ ಚಡ್ ಅಪ್ಲ್ಯಾ ಜಿಣ್ಯೆಂತ್ ಕೊಂಕ್ಣಿ ಭಾಶೆ ಖಾತಿರ್ ರಾತ್ ಅನಿಂ ದೀಸ್ ಅಪ್ಲೊ ವೇಳ್ ಖರ್ಚುನ್ ಎಕೇಕಾ ಪದಾಂ ಖಾತಿರ್ ಮೊಹಿನೆ ಸಯ್ತ್ ಖರ್ಚುನ್ ತಿಂ ಪದಾ ಅರ್ಥಭರಿತ್ ಕರುನ್ ತಾಂತ್ಲಿ ಉತ್ರಾ ಅಮ್ಚ್ಯಾ ಕಾಳ್ಜಾಕ್ ಲಾಗ್ಚಿ ತಸಲಿ ಕರ್ಚಾಕ್ ಕಾಡ್ಲ್ಲಿ ತಿ ವಾಂವ್ಟ್ ಆಜ್ ಕೋಣಾಚಾನಿ ತಿಂ ಚಿಂತುಂಕ್ ಸಯ್ತ್ ಜಾಯ್ನಾ.

ಸುರ್ಯಾಚಾ ಕಿರ್ಣಾಂನಿ ದರ್ಯಾಚಾ ಲಾರಾಂನಿ,
ದೆಖ್ತಾ ಮೊಗಾ ತುಕಾ ಚಿಂತ್ನಾನಿ ಸ್ವಪ್ಣಾಂನಿ
ಮೊಗಾನ್ ಭಿಡಾರ್ ಕೆಲಾಂ ಅಮ್ಚಾ ದೋನ್ ಕಾಳ್ಜಾಂನಿ
ಥೊಡೆಚ್ ಅವ್ದೆ ಭಿತೆರ್ ಮೊಗಾರ್ ಪಡ್ಲ್ಯಾಂವ್ ಅಮಿಂ

ಹ್ಯಾ ಗೀತಾಚೆ ಮೊಲಾಧಿಕ್ ಸಬ್ದ್ ಮಧುರ್ ತಾಳ್ಯಾನ್ ಗಾಯಾನ್ ಕರುನ್ ಅಮ್ಚೇ ಮನ್ ಪಿಸ್ವಯ್ಲಾ ವಿಲ್ಪಿಯಾಬಾನ್ ಅನಿಂ ಮೀನಾ ಬಾಯೆನ್. ನಿಜಾಯ್ಕಿ ಏಕ್ ಭೋವ್ ಅಪುರ್ಬಾಯೆಚೆ ಏಕ್ ದೊಡೆ ಗಾಯಾನ್..ಅಪ್ಲ್ಯಾ ಸಂಗೀತ್ ವಾವ್ರಾಂತ್ ಸುರ್ವೇರ್ ಥಾಂವುನ್ ಅಖೇರ್ ಪರ್ಯಾಂತ್ ಮಿನಾಬಾಯೆಚೊ ಮಧುರ್ ತಾಳೊ ಕೊಂಕ್ಣಿ ಭಾಶೆಂತ್ ಅಯ್ಕೊಂಕ್ ಮೆಳ್ಳೊ ಆಜ್ ಮೊಜೆ ತುಜೆ ಭಾಗ್ ಮ್ಹುಣಾಜಾಯ್. ಹರ್ಯೇಕಾ ಪದಾಂತ್ ಲಿಸಾಂವ್, ಘಡಿತ್ ಅನಿಂ ಸಂದೇಶ್ ಅಸಾ ತೆಂ ಅಮಿಂ ಸರ್ವಾಂ ಅಯ್ಕೊನ್ ಜಾಣಾಂವ್.

ವಡ್ಲಿಮಾಂಯ್, ವಡ್ಲಿಮಾಂಯ್ ಹಾಂವ್ ಕಿತೆಂ ಸಾಂಗೊ ತುಜಿ ವಡ್ವಿಕಾಯ್
ವಡ್ಲಿಮಾಂಯ್, ವಡ್ಲಿಮಾಂಯ್ ಜಾಯ್ ಮುಳ್ಯಾರ್ ತುಂ ಸದಾಂಚ್ ಮೆಳ್ಚಿನಾಂಯ್.

ಅಪ್ಲ್ಯಾ ಚಾರ್ ವರ್ಸಾಂಚ್ಯಾ ಪ್ರಾಯೆರ್ ವೆದಿರ್ ಗಾಯಾನ್ ಆರಂಭ್ ಕೆಲ್ಲಿ ವಿಲ್ಫಿಯಾಬಾಚಿ ಎಕ್ಲಿಚ್ ಮೊಗಾಳ್ ಧುವ್ ವೀಣಾ ಬಾಯೆನ್ ಗಾಯ್ಲೆಲೆ ಹೆಂ ಪದ್ ಪಯ್ಲ್ಯಾ ಕೊವ್ಲೆಂತ್ ಅಮಿಂ ಅಯ್ಕಾಂತಾಂವ್, ಹ್ಯಾ ಪದಾಂ ಉಪ್ರಾಂತ್ ತಿಣೆ ಗಾಯ್ಲೆಲಿ ಸರ್ವ್ ಪದಾಂ ಎಕಾ ವರ್ನ್ ಅನ್ಯೇಕ್ ಮ್ಹಧುರ್ ತಾಳ್ಯಾಚಿ ಜಾಲಿಂ.

ನಾಂವ್ ಮೊಜೆ ವಿಶ್ವಾಸ್ ಕೊಂಕ್ಣಿ ಮೊಜಿ ಭಾಸ್. ಕೊಂಕಣ್ ಶ್ಹೆರಾಂತ್ಲೊ, ಕೊಂಕ್ಣಿ ಕುಟ್ಮಾಂತ್ಲೊ
ದಾಕ್ಟುಲೊ ಹಾಂವ್ ಪಿಲೊ, ಪೊದಾಂ ಗಾಯ್ತೆಲ್ಯಾ ಕಂತರಿಸ್ತಾಂಚೊ
ಪುಸುನ್ ಗಾಲ್ಲೊ ಪೊಳೊ, ದಾಕ್ಟೊ ಅತಾಂ ವೆಗ್ಗಿಂ ವಡ್ಲೊ ಜಾತಾಂ
ಕೊಂಕ್ಣಿ ಭಾಶೆಚಿ ಪೊದಾಂ ಗಾತಾಂ, ತುಮಿಂ ಮ್ಹಕಾ ತುಮ್ಚೊ ಅಧಾರ್ ದಿಲ್ಯಾರ್
ಡ್ಯಾಡಿ ಬರಿಚ್ ಜಾತಾ.

ಅಪ್ಲ್ಯಾ ನೋವ್ ವರ್ಸಾಂಚ್ಯಾ ಪ್ರಾಯೆರ್ ವಿಲ್ಫಿಯಾಬಾಚ್ಯಾ ಎಕ್ಲ್ಯಾಚ್ ಪುತಾನ್ ಮೊಗಾಳ್ ಬಾಬ್ ವಿಶ್ವಾಸಾನ್ ಗಾಯ್ಲೆಲೆ ಹೆಂ ಪದ್ ಅಮಿಂ ತೆರವ್ಯಾ ಕೊವ್ಲೆಂತ್ ಅಯ್ಕಾತಾಂವ್.ಹ್ಯಾ ವರ್ವಿ ವಿಲ್ಪಿಯಾಬಾನ್ ಎಕ್ ಸಂಗೀತ್ ಕುಟಾಮ್ ಭಾಂದುನ್ ಅಪ್ಣಾಂಚಾ ಉಪ್ರಾಂತಿ ಕೊಂಕ್ಣೆಚೊ ವಾವ್ರ್ ನಿರಂತರಿ ಮುಖಾರ್ಸುನ್ ವೆಚಾ ಬರಿ ಎಕ್ ಕಾಣಿಕ್ ಜಾವ್ನ್ ಕೊಂಕ್ಣಿ ಸಂಸಾರಾಕ್ ದಿಲಾ.

********************************************************************

ಕೊಂಕಣ್ ಕೊಗುಳ್

ವಾರ್ಡ್ ಕಮಿಟಿ

desable

ಚಡ್ ವಾಚ್ಲೆಲೆಂ.

ನವೆಂಚ್

ಅಭಿಪ್ರಾಯ್.